Stranda – framtidsheimen
Denne heimen
I Stranda bur du tett på fjord, fjell og folk som bryr seg. Her blir du kjend med bygdefolk som du møter på jobb, i lag og foreiningar eller kanskje på fjelltur.
Heimen din kan vere ein stad for ro, leik og samhald – anten du vel sentrum eller ei stille grend.
Her er det rom for draumane dine: eit småbruk, ei hytte ved fjorden eller eit hus med hagen full av bærbuskar.
Heimen på Stranda handlar ikkje berre om tak over hovudet – men om å finne ditt eige pusterom.
Denne jobben
Folk frå heile verda kjem til Stranda for å sjå fjord, fjell og ikkje minst verdsarven i Geiranger. Kom til oss, her er det mange moglegheiter til å arbeide med reiseliv.
Få stader mettar fleire enn Stranda. Kom hit og jobb med spekemat, pizza, cider og sjømat som gir smak til heile verda.
Stranda er kjend for å gjere idear om til arbeidsplassar, frå møblar og teknologi til mat og opplevingar.
Her har vi både tradisjon og nytenking, og alltid plass til fleire som vil skape noko nytt.
Denne framtida
Framtida di kan ligge i Stranda.
Her kan du finne denne heimen, denne jobben og denne fritida. Kanskje finn du til og med denne kjærasten.
Finst ikkje det du vil gjere her frå før, får du hjelp til å starte opp noko nytt og kjekt saman med andre.
Vi i Denne Stranda hjelper deg med å finne denne kjensla: at du har funne rette staden.